Америкалык рэпер киши колдуу болгон украиналык кызга клип тартып, окуянын соңун өзгөрттү (видео)

Белгилүү америкалык рэпер DaBaby киши колдуу болгон украиналык Ирина Заруцкаяга арналган "Save Me" ("Мени сакта") ырынын клибин жарыялады. Клипте ошол каргашалуу күндөгү окуя чагылдырылат.

DaBaby (чыныгы аты Жонатан Линдейл Кирк) клипти өзүнүн YouTube каналына чыгарды. Видео АКШда кадимки бир күнү бычактан каза болгон Иринанын окуясы тууралуу кыскача баяндоо менен башталат.

Клиптин жаратуучулары метродогу кырдаалды так чагылдырууну чечишкен. Бул үчүн алар күбөлөргө, жабырлануучуга жана кылмышкерге окшош актёрлорду тандашкан.

Бирок алар окуянын аягын өзгөртүшкөн. Тагыраагы, кылмышкер кызга кол салганы жатканда, жанында отурган рэпер анын колунан кармап, токтотуп калат.

Эске салсак, 22-август күнү Түндүк Каролина штатындагы метродо өлтүрүлгөн. Видеожазууда качкын кызга эч себепсиз артынан бычак менен кол салганы көрүнөт. Ал эми кылмышка айыпталып 34 жаштагы Декларос Браун аттуу жаран кармалган. Ал 2011-жылдан бери 14 жолу камакка алынган.