Урмат Самаев Кытайдын Кыргызстандагы элчиси Лю Цзянпин менен жолукту
Кечээ, 18-сентябрда президенттин Жалал-Абад облусундагы ыйгарым укуктуу өкүлүнүн орун басары Урмат Самаев Кытайдын атайын жана ыйгарым укуктуу элчиси Лю Цзянпин менен жолугушту.Жолугушуунун жүрүшүндө тараптар кыргыз-кытай экономикалык, инвестициялык жана инфраструктуралык кызматташтыкты талкуулап, Жалал-Абад облусунун стратегиялык маанисине, аймактар аралык долбоорлорго, транспорт жана логистика, тоо-кен, туризм, айыл чарба жана кайра иштетүү тармактарын өнүктүрүү маселелерине токтолушту. Ошондой эле Кытай-Кыргызстан-Өзбекстан темир жолунун курулушунда жергиликтүү маанидеги маселелердин ыкчам чечилиши долбоордун алдыга жылышына жана курулуш динамикасына оң таасир этип жатканын белгилешти.
Жолугушууда ыйгарым укуктуу өкүл Тилек Текебаевдин демилгеси менен Жалал-Абад облусунда жаштардын кытай тилин үйрөнүүгө шарт түзүлүп жатканы, ага катар Бекмамат Осмонов атындагы Жалал-Абад мамлекеттик университетинде атайын темир жол адистерин даярдоо иштери башталганы маалымдалды.
Тараптар кызматташтыкты мындан ары да тереңдетүүгө, биргелешкен долбоорлорду ишке ашырууга, товар жүгүртүү көлөмүн көбөйтүүгө жана Кытайдын аймактары менен Жалал-Абад облусунун өз ара байланышын жакшыртууга даяр экенин билдиришти.
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рубрикадагы соңку кабарлар
20:07
2025-11-21
19:43
2025-11-21
Рейтинг:
0
0
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.

Супер-Инфо
super.kg видео
















