Акылдуу көз айнек жана билерик. Meta жаңы технологиясын тааныштырды (видео)

Meta компаниясы жаңы муундагы акылдуу Ray-Ban көз айнектерин көрсөттү. Алардын башкы өзгөчөлүгү линзанын ичиндеги экран жана манжа кыймылы менен башкарылуучу билерик.

АКШда сатуу 30-сентябрда башталат, баасы 799 доллар. Ал эми башка өлкөлөргө сатуу кийинки жылы баштала тургандыгы айтылды.

Презентация Калифорниядагы Meta кеңсесинде өттү. Негизги өзгөчөлүк 5000 нит жарыктыгы бар экран жана колдун майда кыймылдарын таанып, колдонуучуга абада текст терүүгө мүмкүндүк берген билерик. Компаниянын негиздөөчүсү Марк Цукербергдин айтымында, ал муну менен мүнөтүнө 30 сөзгө чейин жаза алган.