Орусия Бельгияга эскертүү берди

Орусиянын Брюсселдеги жаңы элчиси Денис Гончар РИА Новости агенттигине берген маегинде Бельгия бийлигине алардын достукка жатпаган кадамдары эки тараптуу мамилелердин бузулушуна алып келиши мүмкүн экенин ачык билдиргенин айтты. Элчи Бельгиядагы мурдагы достук мамилелерди, Биринчи жана Экинчи дүйнөлүк согуштагы союздаштыкты эскерди, бирок азыркы абалды "ишеничсиз жана терс" деп баалады.

Гончардын айтымында, Бельгия сырткы саясатта мурдагы прагматизмден алыстап, Европада жана НАТОдо эң кескин көз караштагы өлкөлөрдүн позициясына жакындап баратат. Орусия тарап Бельгия бийлигине мындай риторика жана достукка жатпаган кадамдар боюнча өз тынчсыздануусун билдирген.

Элчи ошондой эле азыркы саясат Бельгия жарандарынын кызыкчылыгына туура келбестигин, терс тенденция эки тараптуу мамилелердин бүтүндөй түзүмүн бузууга алып келиши мүмкүн экенин баса белгиледи.