Чүйдө жеке жактарга өтүп кеткен объект мамлекеттин балансына кайтарылды

Чүй облусунун Аламүдүн районунун Полевое айылындагы Ленин атындагы жеке дыйкан чарбасынын "Эмгек жана эс алуу лагери" мамлекеттин балансына кайтарылды. Бул тууралуу УКМКнын баса сөз кызматы бүгүн, 23-сентябрда кабарлады.

Маалыматка ылайык, ал мурда жеке жактар тарабынан мыйзамсыз менчиктештирилип кеткен.

"Мурдараак Аламүдүн районунун жергиликтүү өз алдынча башкаруу органдарынын жооптуу кызматкерлери тарабынан Аламүдүн районунун Полевое айылындагы Ленин атындагы "Эмгек жана эс алуу лагерин" 3,22 гектар жер тилкеси жана имараты менен бирге жеке менчикке өткөрүп беришкен.

Көрүлгөн чаралардын натыйжасында менчик ээси социалдык объектке өзүнүн мыйзамсыз негизде ээлик кылып пайдаланып келгендигин мойнуна алып, өз ыктыяры менен Аламүдүн районунун Сыдыков айыл аймагынын балансына өткөрүп берди",- деп айтылат атайын кызмат тараткан маалыматта.