УКМК "Хизбут-Тахрир" диний-экстремисттик уюмунун лидерин кармады (фото)

Улуттук коопсуздук мамлекеттик комитети 16-сентябрда диний-экстремисттик уюм катары таанылган "Хизбут-Тахрир" уюмунун лидерин колго түшүргөнүн бүгүн, 23-сентябрда маалымдады.

Анда айтылгандай, кармалган жаран 1986-жылы туулган М.К., ал экстремисттик идеологияны жайылтып, жаңы тарапташтарды тартуу менен алектенген.

М.К. буга чейин да экстремисттик ишмердүүлүк үчүн жоопкерчиликке тартылганы белгиленди. Ал жашаган жерди тинтүү учурунда экстремисттик мазмундагы диний адабияттар табылып, алар боюнча тиешелүү экспертиза жүргүзүлүүдө.

Кармалган жаран УКМКнын тергөө абагына киргизилип, уюмдун башка мүчөлөрүн аныктоо боюнча ыкчам-тергөө иштери уланууда.

Атайын кызмат жарандарды диний-экстремисттик уюмдарды түзүү жана ага катышуу боюнча Кылмыш-жаза кодексинин 330, 331 жана 332-беренелерине ылайык жоопкерчиликке тартыларын эскертет.