Улуу Британия НАТО өлкөлөрүнүн аба мейкиндигин коргоого даяр экенин маалымдады
Улуу Британиянын тышкы иштер министри Иветт Купер Орусия-Украина кризисине байланыштуу БУУнун Коопсуздук кеңешинин жыйынында өлкөсү НАТО аба мейкиндигин коргоого катышууга даяр экенин айтты.
"Акыркы аптада биз Эстония, Польша жана Румынияда НАТО аба мейкиндигин чагымчыл жана этиятсыз бузуу фактыларын көрдүк, НATO муну кескин айыптайт. Биз аракет кылууга даяр болобуз",-деди ал.
Буга чейин Эстониянын премьер-министри Кристен Михал Орусиянын МиГ-31 учактары өлкөнүн аба мейкиндигин бузду деген шек менен НАТОго консультация суроого кайрылганын билдирген.
Ал эми Орусиянын Коргоо министрлиги бул айыптоолорду четке каккан. Орусия тарап учактар Карелиядан Калининград аймагына пландалган учуу жасап, эл аралык эрежелерди так сактап, башка мамлекеттердин чек араларын бузбаганын билдирген.
0

Супер-Инфо
super.kg видео















