Төрага Тургунбек уулу парламенттин тарашы боюнча билдирүү жасады (видео)

Жогорку Кеңештин төрагасы Нурланбек Тургунбек уулу VII чакырылыштагы парламенттин тарашы боюнча парламент трибунасынан билдирүү жасады.

Төрага анда Жогорку Кеңештин өзүн-өзү таркатуу боюнча чечими, депутаттар кабыл алган мыйзамдар тууралуу сөз кылды.

"Бүгүн биз, VII чакырылыштын депутаттары кыргыз тарыхында тарых жараттык деп айтсам жаңылышпайм. Анткени ушул күнгө чейин биз эгемендүүлүк алгандан бери парламент өзүн-өзү таркаткан эмес",- деди ал.

Төрага ошондой эле парламент тарыхына токтолуп, бүгүнкү чечим парламенттин ички өз чечими болгонун белгиледи.

"Жогорку Кеңеш 4 жыл ичинде өтө маанилүү чечимдерди: чек ара маселелери, Кытай-Кыргызстан-Өзбекстан темир жолу, мамлекетиик тил мыйзамы, адаминистративдик-аймактык реформа, репрессияга кабылган ата-бабаларды актоо жана башка мыйзамдарды кабыл алдык",- дейт Тургунбек уулу.