Бишкекте вебкам-студиялар тармагын уюштурган кылмыштуу топтун мүчөлөрү кармалышты
Бишкекте вебкам-студиялар тармагын уюштурган кылмыштуу топтун мүчөлөрү болушкан деген шек менен 4 жаран кармалды. Бул тууралуу Улуттук коопсуздук мамлекеттик комитети билдирди.
Атайын кызмат алар өздөрүнүн мыйзамсыз иштерин жашыруу үчүн шаардын ар кайсы аймактарынан батирлерди ижарага алып келишкенин белгиледи. Аталган аймактарда тинтүү жүргүзүлүп, веб-камералар, жарык берүүчү жабдуулар, компьютердик жана техникалык жабдуулар, эротикалык кийимдер жана атрибуттар, ошондой эле сексуалдык мүнөздөгү ачык-айкын онлайн көрсөтүүлөрдү жүргүзүү үчүн арналган оюнчуктар табылган.
Алар веб-камерага моделдерди кабыл алууну социалдык тармактарда жарнама аркылуу ишке ашырып келишкен.
УКМК 6 вебкам-модели административдик жоопкерчиликке тартылып, уюштуруучулары кылмыш жоопкерчилигине тартылганын кошумчалады.
0

Супер-Инфо
super.kg видео
















