Эмеректерди ыргытып... Бишкектеги кафеде эч себепсиз эле чыр салган айым камалды (видео)

Бишкекте майда бейбаштык кылган деген шек менен 29 жаштагы айым 5 суткага камалды. Бул тууралуу Ленин райондук ички иштер бөлүмү билдирди.

Маалыматка ылайык, 2 күн мурун, тагыраагы, 26-сентябрда ал Турусбеков көчөсүндө жайгашкан кафелердин биринде эч себепсиз эмеректерди ыргытып, адепсиз сөздөрдү айтып, кызматкерлерге карата агрессивдүү мамиле жасаган. Факт каттоого алынып, териштирүү иштери башталган.

Натыйжада ага карата Укук бузуулар кодексинин 126-беренеси (Майда бейбаштык) менен административдик протокол түзүлгөн. Ленин райондук соту аны камакка алуу чечимин чыгарган.