Адылбек Касымалиев расмий сапар менен Беларуска барды 

Бүгүн, 28-сентябрда министрлер кабинетинин төрагасы Адылбек Касымалиев расмий сапары менен Беларуска барды. Өкмөт башчыны "Минск" улуттук аэропортунан Беларустун премьер-министринин орун басары Анатолий Сивак тосуп алганын Министрлер кабинетинен кабарлады.

Расмий сапардын алкагында Касымалиев Беларустун президенти Александр Лукашенко, ал өлкөнүн премьер-министри Александр Турчин менен жолугушмакчы.

Өкмөт башчыларынын сүйлөшүүлөрүнүн жыйынтыгында эки тараптуу кызматташтыкты мындан ары өнүктүрүүгө жана бекемдөөгө багытталган бир катар эл аралык документтерге кол коюлары күтүлүүдө. Ошондой эле сапардын алкагында өкмөт башчы бир катар объектилерге барат.

Мындан тышкары 29-30-сентябрда министрлер кабинетинин төрагасы Көз карандысыз мамлекеттер шериктештигинин өкмөт башчылар кеңешинин жана Евразия өкмөттөр аралык кеңешинин жыйындарына катышат.