Жамгыр жаап, күн сууктайт. Бишкекте апта ичинде күтүлгөн аба ырайы

Кыргызгидромет кызматынын маалыматына ылайык, Бишкекте бүгүн, 29-сентябрда күн ачык болот. Абанын табы +26 ... +28 градусту түзөт.

Алдыда борбор калаада бир апта ичинде күтүлгөн аба ырайын сунуштайбыз.

Шейшемби, 30-сентябрь

Бул күнү калаада күн бүркөк болуп турат, бирок жаан-чачын жаабайт. Абанын температурасы түнкүсүн +11 ... +13, күндүзү +23 ... +25 болот.

Шаршемби, 1-октябрь

Бишкекте 1-октябрда күндүзү жамгыр жаайт, түнкүсүн жаан-чачын күтүлбөйт. Бул күнү абанын табы түнкүсүн +10 ... +12, күндүзү +17 ... +19 градус жылыйт.

Бейшемби, 2-октябрь

Баш калаада бул күнү жамгыр жаайт. Абанын температурасы түнкүсүн +6 ... +8, күндүзү +16 ... +18 градус болот.

Жума, 3-октябрь

Жума күнү борбордо түнкүсүн жамгыр жаайт, күндүзү жаан-чачын күтүлбөйт. Абанын табы түнкүсүн +6 ... +8, күндүзү +18 ...+20 градус жылыйт.

Ишемби, 4-октябрь

Бул күнү калаада жаан-чачын күтүлбөйт. Абанын температурасы түнкүсүн +6 ... +8, күндүзү +19 ... +21.

Жекшемби, 5-октябрь

Бишкекте 5-октябрда күн ачык болот. Абанын табы түнкүсүн +5 ... +7, күндүзү +18 ... +20 градус жылыйт.