Голливудда алгачкы санариптик актриса пайда болду 

АКШдагы Xicoia студиясы биринчи санариптик актриса Тилли Норвудду тааныштырды. Бул тууралуу чет элдик басылмалар жазышты.

Маалым болгондой, Голливуддагы таланттарды тандоо агенттиктери бул санариптик персонаж менен иштешүүгө кызыкдар экенин билдиришкен. Бирок бул чыныгы актрисалардын нааразылыгын жараткан.

"Кыйкырык" тасмасынын жылдызы Мелисса Баррера жасалма интеллект тарабынан түзүлгөн актриса менен иштешүүнү каалаган компанияларды бойкоттоого чакырып, бул идеяны "жаман ой" деп атады. Аны колдогон кесиптештеринин катарында Кирси Клемонс, Мара Уилсон жана башкалар бар.

Учурда Xicoia студиясы Тилли менен контракт түзүүгө кызыккан бир нече агенттиктер менен сүйлөшүүлөрдү жүргүзүп жатат.

Студия кино өндүрүшү, подкасттар, социалдык түйүндөр, бренддик компаниялар, видео оюндар жана күйөрмандар менен өз ара байланыш үчүн жасалма интеллекттин жардамын пайдалана турганын айтууда.