Төө-Ашууда илбирстин скульптурасы орнотулду (видео)

Төө-Ашуу ашуусуна өлкөнүн тарыхында алгачкы жолу монументалдык ак илбирс скульптурасы орнотулду. Күндүз бул скульптура өзүнүн чоңдугу жана кооз формасы менен таң калтырса, түнкүсүн жаркырап турат.

Эске салсак, быйыл ак илбирс Кыргызстандын расмий улуттук символу деп таанылган. Бул жаныбар кыргыз элинин күчүн, эркиндигин жана көз карандысыз рухун чагылдырат.

Жобонун демилгечилери белгилешкендей, бул монумент Кыргызстан үчүн жаңы "визиттик карточка" болушу мүмкүн.