WSJ: ХАМАСтын ичинде барымтадагыларды бошотуу шарттары боюнча келишпестиктер бар

АКШ президенти Дональд Трамптын тынчтык планын колдоо тууралуу жарыяга карабастан, ХАМАС кыймылынын ичинде куралсыздануу жана барымтадагыларды бошотуу шарттары боюнча терең пикир келишпестиктер сакталып турат. Бул тууралуу The Wall Street Journal жазды.

WSJнин маалыматына караганда Газа секторундагы ХАМАСтын саясий лидерлери Трамптын планын колдошууда, бирок кыймылдын аскердик канатынын жоочуларга тийгизген таасири чектелүү жана алар өз шарттарын коюуда.

Жетекчи Изз ад-Дин аль-Хаддад Египетке жана БУУга ракеталар менен башка чабуул коюучу курал-жарактарды өткөрүп берүүгө даяр, бирок жеке ок атуучу куралдарды коргонуу максатында сактап калууга басым жасоодо.

WSJ басылмасы билдиргендей, ХАМАСтын аскердик жетекчилери негизги коркунуч катары жоочулардын мындай келишимди "капитуляция" катары кабыл алышы мүмкүн экенин белгилешкен.

Басылма бул кырдаал тынчтык келишимин жүзөгө ашыруу мүмкүнчүлүгүнө тоскоолдук жаратып, аймактагы чыңалуунун уланышына алып келиши ыктымал экенин жазууда.