Жапаров Оштогу "Булак" ден соолукту чыңдоочу комплексин ачты (фото)

Президент Садыр Жапаров бүгүн, 5-октябрда Ош шаарындагы "Булак" спорттук-ден соолукту чыңдоочу комплексинин ачылыш аземине катышты. Бул тууралуу президенттин маалымат кызматынан билдиришти.

Маалым болгондой, өлкө башчы меймандар менен кыска саламдашуудан кийин символикалык түрдө комлекстин боосун чечти.

Андан соң президентке спортчулар үчүн түзүлгөн шарттар, анын ичинде спортчулардын көрсөткүчтүү сүзүүсү менен олимпиадалык үлгүдөгү бассейн, заманбап фитнес-зона, ошондой эле эс алуу жана калыбына келүү үчүн кошумча зоналар көрсөтүлдү.

Комплекс мамлекеттик-жеке өнөктөштүктүн негизинде түзүлгөн.

2024-жылдын июль айында башталган курулуш иштери бүгүнкү күндө толугу менен 100 пайызга аяктаган. Белгилүү болгондой, долбоордун жалпы наркы 202 миллион сомду түзгөн.