Актриса Николь Кидман күйөөсүнө 19 жыл бирге жашаганы үчүн акча төлөшү мүмкүн. Себеби?

Жакында Голливуд актрисасы Николь Кидман менен ырчы Кит Урбан ажырашып кетишкени белгилүү болгон. Алар 19 жыл никеде болушту. Сотко ажырашуу арызын тапшырган Кидман болгон.

Эми алардын ортосундагы келишим боюнча Кидман күйөөсүнө акча төлөп берүүгө милдеттүү.

Алар баш кошоордо актриса Урбанга кызыктуу шарт койгон. Келишим боюнча, эгер нике баңгизат колдонуудан улам бузулса, ырчы эч нерсе ала албайт болчу. Ал эми ажырашуунун себеби баңгизат колдонуудан башка болсо, актриса күйөөсүнө ар бир жыл үчүн 600 миң доллар төлөп берүү милдетин алган.

Бул демек, Кит Урбан 10 миллион доллардан ашык ала алат дегенди билдирет. Анткени түгөйлөрдүн ажырашуусуна ырчынын жубайынын көзүнө чөп салуусу себеп болгону айтылууда.

Түгөйлөр 2006-жылы үйлөнүшкөн. Тойдон бир нече ай өткөндөн кийин, алкоголдук ичимдиктер жана баңгичилик менен көптөн бери күрөшүп келген ырчы реабилитацияга түшкөн. Николь Кидман ошол учурда күйөөсүнө зор колдоо көрсөткөн. Кийинчерээк Урбан жубайына көп жолу эл алдында ыраазычылык билдирип, оорусун жеңүүгө актрисанын жардамы бар экенин айткан.

Түгөйлөрдүн ортосунда 2 кыз бар.