Иранда хиджаб боюнча жаңы чечимдер кабыл алынды

Иранда көп жылдан бери талаш жараткан хиджаб кийүү боюнча мыйзам жумшартылды. Эми аялдар хиджаб кийбегени үчүн айып пул, жаза же юридикалык чектөөгө дуушар болушпайт. Бул тууралуу "Свободный Иран" Telegram каналы жазды.

Маалыматка ылайык, чечим кабыл алынгандан кийин социалдык тармактарда хиджабсыз эркин жүргөн ирандык аялдардын видеолору кеңири тарады. Бул көрүнүш коомдо кызуу талкуу жаратып, өзгөрүү Ирандагы аялдардын эркиндиги үчүн маанилүү кадам катары бааланууда.

Эске салсак, 2022-жылы 22 жаштагы Махса Амининин полиция тарабынан кармалып, каза болушу өлкө боюнча ири нааразылыктарга себеп болгон. Ошол окуядан кийин хиджаб мыйзамы Иранда эң талаштуу темалардын бири бойдон калган.