Израил менен ХАМАСтын ортосундагы кыйыр сүйлөшүүлөр "жакшы маанайда" өтүүдө

Израил менен ХАМАСтын өкүлдөрү Газа секторундагы согушту токтотуу боюнча сүйлөшүүлөрдүн негизги этабына өтүштү. Бул тууралуу The Guardian басылмасы жазды.

Маалыматка ылайык, жолугушуулар Египеттин Шарм-эль-Шейх шаарында өтүүдө. ХАМАС Израил туткундарды бошоткондон кийин келишимдин шарттары сакталарына эл аралык кепилдик талап кылууда.

Египеттик маалымат булактары сүйлөшүүлөрдүн биринчи күнү "оң маанайда" өткөнүн билдиришти. Башкы тема – туткундарды бошотуу болуп, АКШ, Египет жана Катар ортомчу катары катышууда. АКШ Израилди Газага аба соккуларды токтотууга чакырды, бирок Израил "коргонуу максатындагы" чабуулдарын улантып жатат.

Газанын Саламаттык сактоо министрлигинин маалыматына караганда, акыркы 24 саатта аба соккулардан кеминде 19 адам каза болду.