Берлинде полиция Палестинага колдоо көрсөткөндөргө катуу чара көрдү

Берлинде Израилдин Газадагы геноцидин айыптоо үчүн Александр аянтында пландалган митингге полиция тыюу салды. Бул тууралуу чет элдик басылмалар жазышты.

Маалыматка ылайык, тыюуга карабастан, көп сандаган адамдар аталган аянтка келишти, бирок полиция демонстранттарды кайтарып жиберди. Кийинчерээк жүздөгөн демонстранттар Нептунбруннен аянтына чогулуп акция өткөрүштү. Демонстранттар "Колуңарда кан бар" деген плакаттарды көтөрүп, Израилге каршы ураандарды чакырышты.

Полиция уруксатсыз митинг өткөрүлүп жатканын жүйө кылып, демонстранттарга аянттан кетүүгө эскертүү берди. Демонстранттар аянттан кетпей койгондон кийин, полиция жүздөгөн демонстранттарды курчоого алып, алардын ким экендигин аныктоо үчүн кармалганын жарыялады. Полиция демонстранттарды кармоо учурунда катуу күч колдонду.

Берлин полициясынын X социалдык тармактагы билдирүүсүндө, Нептунбруннен аянтынын айланасынан кетпеген демонстранттардын Чогулуш мыйзамын бузгандыгы айтылган.