Бишкектин Токтогул көчөсүндөгү талкуу жараткан тактайча алынды

Социалдык тармактарда талкууга алынган Бишкектин Токтогул көчөсүнүн аталышы туура эмес жазылган тактайча алынды. Бул тууралуу калаа мэриясынан билдиришти.

Анда айтылгандай, "Бишкек башкы архитектура" мекемеси тарабынан бекитилген дизайн кодго ылайык келбейт жана жергиликтүү орган тарабынан илинген эмес. Өз билемдик менен уруксатсыз илгендер аныкталып, тийиштүү чаралар көрүлөт.

Буга чейин интернетте шаардагы Токтогул көчөсүнө "Токтогула көчөсү" деп жазылып илинген такта кызуу талкуу жараткан. Анда "токтоп, анан өтүш керек", "токтоп туруш керек" деген сыяктуу жылмайткан комментарийлер жазылган.

Шаар мэри Айбек Жунушалиев ал тактанын илинишине калаа бийлигинин тиешеси жок экенин билдирди.