Оштогу балдар жана үй-бүлө борбору оңдолууда

"Ош шаардык балдарды жана үй-бүлөнү реабилитациялоо адистештирилген борбору" мекемеси шаар мэри Жеңишбек Токторбаевдин тапшырмасына ылайык толук капиталдык оңдоп түзөөдөн өткөрүлүүдө. Бул тууралуу мэриянын басма сөз кызматы кабарлады.

Маалыматка ылайык, учурда имараттын чатыры толук жаңыланып, сырты акталып, сырдалды, эшик-терезелери да алмаштырылууда.

Ошондой эле борбордун сырткы бөлүгүнө балдар үчүн ойноо аянтчасы курулууда, тосмолору жаңыдан курулуп, кире бериш дарбазасы жаңыланары айтылат маалыматта.