Түркияда кармалган атактуулар коё берилди

Түркиянын Стамбул шаардык прокуратурасы тарабынан баңгизат жайылтууга шектелип кармалган 19 атактуу адам бошотулду. Бул тууралуу Haber Global телеканалы маалымдады.

Алар алгач кармалганда сурак беришкен. Андан соң кандын анализин алуу үчүн соттук-медициналык мекемеге жөнөтүлүшкөн. Бардык камактагылар керектүү процедуралардан кийин бошотулушту.

Стамбул прокуратурасы Түркияда баңгизат боюнча айыпталган атактууларга карата башталган тергөөгө байланыштуу жашыруун сырды сактоо буйругун чыгарган. Андай чечим чыкканын тергөөнүн алкагында көрсөтмөлөрү жана кан үлгүлөрү алынган жубайлар Дилан менен Энгин Полатты коргогон адвокат Севинч Ораз билдирген. Анын айтымында, Полаттардын каны таза болуп чыккан.

Буга чейин Түркияда 21 атактуу адам кармалганы кабарланган.