Кытайда футболчу оюн учурунда моюнун сындырып алды

Кытайда "Гуанси Пингго" футболдук клубунун жарым коргоочусу Сэмюэл Асамоа оюн учурунда моюнун сындырып алды. Бул тууралуу 9-октябрда The Daily Telegraph басылмасы маалымдады.

Маалыматка ылайык, оюн учурунда атаандашы аны түртүп жибергенден кийин Асамоа LED-экранга башы менен урунган.

Футболдук клуб билдиргендей, спортчу ушул сезондун калган бардык беттештерин өткөрүп жиберет.

"Анын карьерасы дагы олуттуу коркунучта калышы мүмкүн",- деп клубдун билдирүүсүн келтирет басылма.

Азыркы учурда футболчу операциядан кийин калыбына келип жатат, абалы туруктуу деп кабарланды.

Белгиленгендей, жарнамалык такта эл аралык стандарттарга ылайык, талаадан үч метр алыстыкта орнотулган. Асамоаны түрткөн атаандаш бул окуядан кийин сары айып кагазын алды.