Мьянмада диний майрам учурунда кол салуу болуп, 24 адам каза тапты

Мьянманын аскердик өкмөтү борбордук бөлүктөгү Сагаинг аймагындагы мектепте өткөн диний майрам учурунда карапайым жарандарга кол салуу болгонун билдирди. Associated Press агенттигинин маалыматына ылайык, ташталган бомбалардын кесепетинен 24 адам, анын ичинде балдар каза тапкан, дагы 50 киши жаракат алган.

Аскердик маалымат башкармалыгы тараткан билдирүүдө окуя дүйшөмбүдө түнкүсүн болгон.

"Коопсуздук күчтөрү жарандар арасындагы жоготууларды минималдуу деңгээлде кармоо максатында террорчулукка каршы операция жүргүзүү чечимин кабыл алышты",- деп билдирет аскердик бийлик.

Кол салуу учурунда 100дөн ашуун адам буддисттик орозонун аякташы боюнча өткөрүлгөн аземге катышып жаткан. Бул учурдан пайдаланып, катышуучулар саясий туткундарды бошотуу талабын коюшуп жана аскерлер тарабынан декабрь айына дайындалган шайлоолорго каршы нааразычылыгын билдиришкен.

2021-жылдын февраль айында аскерлер Аун Сан Су Чжи жетектеген өкмөттү бийликтен кулатып, андан кийин Сагаинг аймагы кагылышууларга күбө болуп келүүдө. Ал эми Аун Сан Су Чжи өзү ошол маалда Улуу Британияга баш калкалоо үчүн качып кеткен.