Манас шаарында сабалган кыз. Шектүү кармалды (видео)

Манас шаарында кызга зомбулук көрсөткөн 38 жаштагы жаран камакка алынды. Бул тууралуу Жалал-Абад ОИИБинин басма сөз кызматы билдирди.

Маалым болгондой, 5-октябрда Сузак райондук милициясына Манас шаарынын 2001-жылы туулган А.Д. аттуу тургуну арыз менен кайрылган. Анда ошол эле күнү таңкы саат 07:00 чамасында ага тааныш болгон 1987-жылы туулган К.Н. аттуу бала Сузак районундагы Кызыл-Туу айылында эч бир себепсиз бети башына уруп, тээп денесине жаракат келтиргендигин билдирген.

Бул факт Кылмыш-жаза кодексинин 280-беренеси (Бейбаштык) менен кылмыш иши козголду.

Шектүү кармалып, убактылуу кармоочу жайга киргизилди. Учурда тергөө амалдары жүрүп жатат.

Кармалган жаран 10 айдан бери зомбулук көргөн кыз менен мамиле түзүп жүргөндүгүн айтып, белгилүү себептерден улам уруша кеткендигин билдирди.

Буга чейин социалдык тармактарда Жалал-Абаддын Манас шаарында ур-токмокко алынган делген кыздын видеосу тарап, милиция маалымат берген.