Германияда шаар мэрине асырап алган кызы кол салгандыгы айтылууда

Германиянын Хердекке шаарынын мэри Ирис Штальцер оор жаракаттар менен ооруканага жеткирилди. Ага кол салууга 17 жаштагы асырап алган кызы шектелүүдө. Бул тууралуу чет элдик басылмалар жазышты.

Полициянын маалыматына караганда, кыз Штальцерди үйдүн жер төлөсүнө бир нече саат кармап, кыйнап, бычак менен 13 жолу сайып, өч алуу ниетин айткан. Ал чачын жана кийимин күйгүзүүгө аракет кылганы кабарланды. Кол салуудан кийин кыз өзү куткаруу кызматын чакырып, апасына белгисиз адамдар кол салгандыгын билдирген.

Үйүнөн тийиштүү далилидер алынган. Бычак асырап алган экинчи баласынын баштыгынан табылган.

Прокуратура бул ишти “денеге оор залал келтирүү” катары каттоодо. Асырап алынган эки өспүрүм учурда социалдык кызматтын кароосунда.