Шайлоо-2025: Талапкерлердин саны 200гө жакындап калды

Жогорку Кеңештин депутаттарын мөөнөтүнөн мурда шайлоого катышуу ниетин билдирген талапкерлердин саны 198ге жетти. Бул тууралуу Борбордук шайлоо комиссиясынан билдиришти.

Маалыматка ылайык, кечээ, 12-октябрда төрт талапкер шайлоого катышуу үчүн БШКга арыз тапшырган. Алар:

• Каюмов Зулкайнар Каюмович №24 (Бишкек шаары) – “Каюм Ата Строй” ААКсынын директору
• Амиралиев Шабданбек Камалидинович №4 (Ноокат шаары) – жеке ишкер
• Маратов Арсен Маратович №20 (Лебединовка айылы) – жеке ишкер
• Жээнбаева Гулуипа Арстанбековна №7 (Кара-Суу шаары) – медициналык клиниканын директору

Белгилей кетсек, парламенттик шайлоого катышуу ниетин билдирген талапкерлердин арыздары 30-октябрга чейин кабыл алынат. Ал эми шайлоо ушул жылдын 30-ноябрына белгиленген.