Израилде палестиналык туткундарды бошотууга даярдыктар жүрүүдө 

Израилде кармалган палестиналык туткундарды бошотуу үчүн даярдыктар жүрүп жатат. Бул тууралуу чет элдик басылмалар жазышты.

Маалым болгондой, туткундарды автобус менен Палестинага жөнөтүшөт.

Израил өкмөтүнүн өкүлү Шош Бедросян брифингде билдиргендей, палестиналык туткундар ХАМАС барымтадагы адамдарын Израилге кайтаргандан кийин дароо бошотулат.

Анын айтымында, эгерде израилдик барымтадагы адамдар чек арадан өтүп, Израил аймагына жеткени ырасталса, палестиналык туткундар дароо бошотулат.

Эске салсак, 10-октябрда Газа секторунда ок атышууну токтотуу режими күчүнө кирген. Макулдашууга ылайык, 13-октябрга чейин ХАМАС Израилге 48 адамды кайтарып бериши керек.

Мунун жооп иретинде Израил өмүр бою эркинен ажыратылган 250 палестиналык туткунду жана 2023-жылдын октябрь айында аскердик кагылышуулар башталгандан кийин камакка алынган 1,7 миңден ашуун Газалык тургунду бошотууга макул болгон.