Трамп Газадагы согуштун аяктаганын жарыялады

АКШ президенти Дональд Трамп Газа секторундагы согуштун аяктаганын жарыялады. Бул тууралуу ал Израил парламенти Кнессетте сүйлөп жатып билдирди.

"Бул мен үчүн чоң урмат. Улуу жана кооз күн. Жаңы башталгыч", — деди Трамп өз сөзүндө.

Кнессеттеги сөзүнөн кийин АКШ президенти Египетке барат, ал жакта Газадагы согушту токтотуу боюнча саммитке катышат.

9-октябрда Трамп Израил менен ХАМАСтын Газа секторундагы жаңжалды жөнгө салуу боюнча тынчтык планынын биринчи баскычы боюнча макулдашууга жетишкенин жарыялаган. Ал бул келишим барымтадагы адамдардын жакын арада бошотулушун жана Израилдин аскерлерин макулдашылган чек араларга артка кайтуусун билдирерин түшүндүргөн.

Кийинчерээк Египет президенти Абдель Фаттах ас-Сисинин кеңсеси 13-октябрда Газа секторундагы ок атышууну токтотуу боюнча саммит Египеттеги Шарм-эш-Шейх шаарында өтө турганын билдирген. Саммитке катышуу үчүн 20 өлкөнүн лидерлери чакырылган.