Египеттеги Макрон менен Трамптын өзгөчө кол алышуусу талкуу жаратты (видео) 

Египеттеги Газа тилкесиндеги согушту токтотууга арналган эл аралык тынчтык саммитинде АКШнын президенти Дональд Трамп менен Франциянын президенти Эмманюэль Макрондун өзгөчө кол алышуусу көңүл борборуна айланды.

Формалдуу саламдашуу учурунда Трамп ар бир келген дүйнөлүк лидер менен кол алышып баштаган. Бирок Макрон менен болгон кол алышуу өзгөчө узакка созулуп, АКШ президенти 30 секунд француз кесиптешинин колун коё бербей койгонун чет элдик басылмалар жазышууда.

Бул учурду түз эфирде Fox 9 телеканалы чагылдырды. Анда Макрон колун бошотууга аракет кылып жатканы даана көрүнүп турат. Басылмалардын бири бул жагдайды "достук менен бийликтин күчүн көрсөтүү аракети" дешсе, айрымдары "жөн эле ыңгайсыз абал" катары мүнөздөшүүдө.