Өзгөндүн Ана-Кызыл айылында курулган жаңы мектеп жакында колдонууга берилет

Бүгүн, 14-октябрда президенттин Ош облусундагы ыйгарым укуктуу өкүлү Элчибек Жантаев Өзгөн районуна болгон иш сапарынын алкагында Ана-Кызыл айылында курулуп бүткөн жаңы мектептин абалы менен жеринен таанышып чыкты.

Облус жетекчисинин басма сөз кызматы билдиргендей, эки кабаттуу заманбап мектеп 275 орунга ылайыкталып, бардык талаптарга жооп берген шарттар менен камсыздалган. Спорт зал да каралган.

Билим уясы республикалык бюджеттин эсебинен каржыланып, курулушка жалпысынан 160 млн сом жумшалган. Мектеп жакынкы күндөрү толук пайдаланууга берилери пландалууда.