Изилдөө: Адамдын мээсинин жалпы иштөө жөндөмү 55–60 жаштарда эң жогорку деңгээлге жетет

Жаңы изилдөөгө ылайык, адамдын мээси эң жогорку функционалдуулукка 55–60 жаштарында жетет. Австралиянын Western Australia университетинин профессору Жиллс Жиннак жана командасы Intelligence журналында жарыялаган изилдөөдө адамдын акыл-эс компоненттери, анын ичинде логикалык ойлоо, эс тутум, маалымат деңгээли, иштетүү ылдамдыгы, ошондой эле жеке мүнөзү жана эмоционалдык туруктуулугу бааланган.

Изилдөө көрсөткөндөй, айрым жөндөмдөр жаштын өтүшүнөн улам азайганы менен, адамдын жоопкерчилик сезими 65 жашта, эмоционалдык тең салмактуулугу 75 жашта чокусуна жетет. Моралдык баа берүү жана когнитивдик алдын алуу жөндөмү да 70 жашка чейин өнүгөт. Жалпысынан, мээнин жалпы иштөө жөндөмү 55–60 жаштарда эң жогорку деңгээлге жетип, андан кийин акырындык менен төмөндөй баштайт, 75 жаштан кийин жөндөмдөрдүн азаюусу ылдамыраак болот.

Изилдөөгө караганда, бул табылгалар эмнеге көп лидерлер, жогорку деңгээлдеги менеджерлер жана саясатчылар 50 жаштарында эң ийгиликтүү болгонун түшүндүрөт. Профессор Жиннак белгилегендей, орто курак мээнин иштөө функциясынын төмөндөшү эмес, анын жетилгендик жана тең салмактуулук боюнча чокусун көрсөтөт.