Окумуштуулар жакында жерде суу каптоо болушу мүмкүн экенин билдиришти 

Деңиз деңгээлинин көтөрүлүшүнүн дүйнө жүзү боюнча жээктеги шаарларды жок кылышы мүмкүн. Бул тууралуу Канаданын Макгилл университетинин окумуштуулары изилдеп чыкканын чет элдик басылмалар жазышты.

Андагы маалыматтарга караганда, келечекте парник газдарынан улам деңиз деңгээли көтөрүлүп, жээктеги шаарлар акырындык менен суу алдында калары күтүлөт.

Изилдөөлөр боюнча Африканын, Түштүк-Чыгыш Азия, Түштүк жана Борбордук Американын жээгиндеги шаарларда суу каптоо коркунучу жогору экени белгиленген. Эгерде деңиз деңгээли 2100-жылга чейин 20 метрге көтөрүлсө, изилдөө жүргүзүлгөн аймактагы 840 миллион имараттын 136 миллиону жабыркайт.

Аталган университеттин профессору климаттын өзгөрүшү жана деңиз деңгээлинин көтөрүлүшү планетадагы бардык адамдарга таасирин тийгизе турганын билдирген. Ошондой эле изилдөөнүн авторлору бул маалымат ​​архитекторлор жана шаар куруучулар үчүн маанилүү маалымат экенин айтышкан.