Кытайда көчө патрулун роботтор жүргүзө баштады

Кытайдын Ханчжоу шаарында полиция көчөлөрдү патрулдоодо жасалма интеллект менен жабдылган робот-иттерди колдонууда. Бул тууралуу Global Times басылмасы жазды.

Жогорку тактыктагы камерасы жана акылдуу "мээси" бар робот мыйзамсыз токтотулган унааларды же тосулган жолдорду аныктап, ошол замат видео жазууну баштайт. Тасмалар кийин укук коргоо органдары тарабынан далил катары пайдаланылат.

Азырынча бул долбоор сыноо этабында. Буга чейин май айында Кытайдын түштүгүндөгү темир жол станциясында да робот-иттер патрул кызматында колдонулган.