Жол тыгынын жараткан айдоочуларга түшүндүрүү иштери жасалды (видео)

Бишкекте тыгынга себепкер болгон айдоочуларга инспекторлор жол эрежесин түшүндүрдү. Бул тууралуу Милициянын кайгуул кызматы кабарлап, видео менен бөлүштү.

Видеодон айдоочулар кесилиштин так ортосуна чыгып алганын көрүүгө болот. Кайгуулчулар мындай аракеттер тыгынды жасалма жол менен пайда кыларын айтып, жол эрежесин так сактоого чакырышкан.

"Жол эрежесине ылайык, эгерде алдыда тыгын пайда болсо, анда айдоочуга кесилишке кирүүгө тыюу салынат", - деп айтылат билдирүүдө.