Пакистанда Ооганстан менен чек арага жакын жерде террордук чабуул жасалды

Пакистандын Ооганстан менен чек арага жакын жерде, тагыраагы, түндүк-батышындагы Түндүк Вазиристан чөлкөмүндөгү Хадди чебине террордук чабуул болду. Бул тууралуу чет элдик басылмалар жазышты.

Жанкечтилер унаа менен кирип барышкан. Кол салуу үчүн жоопкерчиликти пакистандык "Талибан" кыймылынын куралдуу исламчыл тобу "Жаиш аль-Фурсан Мухаммад" алган.

Кол салгандар менен пакистандык жоокерлердин ортосунда атышуу болуп, алты аскер каза болгону айтылууда. Азырынча толук маалымат чыга элек.