Бишкек шаарында жаңы ротордук токтотмо ишке кирди

Бишкек шаарындагы "Аламүдүн" базарынын аймагында экинчи ротордук токтотмо ишке берилди. Бул тууралуу борбор калаа мэриясы билдирди.

Маалыматка ылайык, заманбап жабдуу 10 унаага эсептелген жана мейкиндикти кыйла үнөмдөөгө мүмкүнчүлүк берет. Төлөм QR-код аркылуу жүргүзүлөт. Саатына 25 сом. Төлөм ийгиликтүү бүткөндөн кийин айдоочу чекти операторго көрсөтүп, токтотмодон чыга алат. Унааны киргизүү жана чыгаруу убактысы 2 мүнөттү түзөт.

"Жаңы ротордук токтотмонун ишке кириши шаардын борбордук аймактарында токтотмо жайларынын жетишсиздиги маселесин чечүүгө дагы бир кадам болуп, шаар тургундары үчүн токтотууну ыңгайлуу кылат", - деп айтылат маалыматта.

Айта кетсек, ротордук токтомо биринчи жолу апрель айында "Орто-Сай" базарынын аймагында ишке киргизилген.