Коррупциялык иштерге байланыштуу КУУнун мугалими кармалды

Улуттук коопсуздук мамлекеттик комитети жогорку билим берүү тармагындагы коррупцияга каршы күрөшүүнүн алкагында Евразия университетинде текшерүү жүргүзүп, 19 мугалимдин мыйзамсыз аракеттерге катыштыгы бар экенин аныктады. Алар сабакка такыр катышпаган студенттерге жасалма баа коюп, документтерди бурмалаган.

Учурда төрт мугалим кармалган, анын ичинде аталган окуу жайдын мурдагы ректору, учурда Жусуп Баласагын атындагы КУУнун окутуучусу С.М. да бар. Ал 16-октябрда камакка алынып, СИЗО №1ге 1 айга камалды.

Алар айрым студенттердин сабакка, модулдарга жана экзамендерге системалуу түрдө катышпаганын билип туруп, алардын жок жерден баа алганын көрсөтүп, расмий документтерге жалган маалымат киргизишкен.