Лукашенко: "Беларус өз ядролук куралдарын Орусиядан келген жаңы куралдар менен алмаштырды"

Беларус өзүнүн аймагындагы ядролук куралдардын арсеналын жаңылады, аларды Орусиядан келген заманбап комплекстер менен алмаштырды. Бул тууралуу президент Александр Лукашенко билдиргенин чет элдик басылмалар жазышты.

"Биз ядролук куралыбызды дагы бир жолу алмаштырдык. Эскисин Орусияга чыгардык жана анын ордуна эң жаңысын алып келдик. Аны тейлөө кымбатка турат", — деди Лукашенко.

Беларус лидери өлкөдө ядролук куралдарды жайгаштыруу коопсуздук маселелерине байланыштуу экенин белгиледи. Ал Батыш өлкөлөрү курал-жарактарын активдүү көбөйтүп, миллиарддаган доллар коротуп жатканын белгиледи.

"Эгер сиз мылтык сатып алсаңыз, аны жөн гана дубалга илиш үчүн сатып албайсыз. 1941-жылдагыдай күтүп отурууну Беларус каалабайт", — деди ал.

Буга чейин Лукашенко өлкөгө кол салуу үчүнчү дүйнөлүк согуш катары караларын жана ядролук курал колдонулушу мүмкүн экенин билдирген. Ал Орусиянын бул позицияны колдогонун жана Минскке коргоо жаатында жардам берип жатканын белгилеген. Мындан тышкары декабрда Беларустун аймагында Орусиянын "Орешник" ракеталык комплекси аскердик даярдык үчүн коюла турганы пландалууда.