"Бул мактаныч эмес..." Бишкек мэри "Тазалыктын" кышка даярдыгын көрсөттү (видео)

Бишкек шаарынын мэри Айбек Жунушалиев "Тазалык" ишканасы кышка толук даяр экенин билдирди.

Жунушалиевдин баяндама жасаган видеосун мэриянын маалымат кызматын жетектеген Айсулуу Касмалиева социалдык тармактагы баракчасына жарыялады. Анда мэр ишкананын жол тазалоочу техникаларын, кышында жолго чачыла турган тузду сактоочу кампаны көрсөтөт.

"Бул мактаныч эмес, бирок көрсөтүп, айта турган нерселер бар. Мына, бул кампа мен мэр болуп дайындалганы мынчалык көп инерттүү материалдар менен толтурулган эмес. Бул жылы биз кышка мурунку кемчиликтерди эске алуу менен көптөгөн аракеттерди көрдүк. Бул бир эле кампабыз", - деди Жунушалиев.