Трамп Нью-Йорктун жаңы мэри Зохран Мамдани менен жолугат
АКШ президенти Дональд Трамп Нью-Йорктун жаңы шайланган мэри Зохран Мамдани менен эртең жолугарын билдирди. Трамп социалдык тармактагы билдирүүсүндө Мамданини "коммунист" деп атап, анын жолугушуу өтүнүчү кабыл алынганын жана маектешүү 21-ноябрда Сүйрү кабинетте болорун жазды.
Шайлоодон кийин Трамп менен Мамданинин ортосунда саясий чыңалуу жаралды. Трамп мурда Fox News телеканалына берген маегинде жаңы мэр "Вашингтондун саясатына урмат кылышы керек" деп билдирип, анын көптөгөн чечимдерин бекитүүчү тарап өзү экенин эскерткен. Ал алдын ала жыйынтыктар жарыяланганда шайлоону "алдама" деп атаган жана демократтарды "коммунист талапкерди" тандады деп сынга алган.
34 жаштагы Зохран Мамдани Нью-Йорктун эң жаш жана алгачкы мусулман мэри болду. 4-ноябрдагы шайлоодо 2 миллиондон ашык адам добуш берип, бул 1969-жылдан берки шайлоого эң жогорку көрсөткүчтө катышуу болду.
0

Супер-Инфо
super.kg видео















