Айыл чарба министрлиги фермерлер арасында чемпиондорду издейт 

Жыл сайын өткөрүлүп келген Агродиалог форумун 2026-жылы да жогорку деңгээлде өткөрүү пландалууда. Бул тууралуу Айыл чарба министрлиги билдирди.

Маалыматка ылайык, бул ирет форумга өлкөбүздүн бардык аймактарынан өзгөчөлөнгөн 40 чемпион тандалмакчы. Алардын ичинен жарымы өсүмдүк өстүрүү багытында болсо, жарымы мал чарбачылыгы багытында болот.

"Форумдун негизги максаты – дан эгиндери, техникалык өсүмдүктөр, жемиштер, жашылчалар жана мал чарбачылыгы тармактарында тажрыйба алмашуу. Ошондой эле жогорку түшүм берген сортторду өстүрүп жаткан дыйкандардын жана малчылардын ийгиликтерин жайылтуу, аларды башка өндүрүүчүлөргө үлгү катары көрсөтүү болуп саналат", - деп билдирди министрлик.

Кошумча маалымат алуу үчүн жашаган жериңиздеги райондук агрардык өнүктүрүү башкармалыктарына кайрылсаңыз болот.