Садыр Жапаров элди кытай жарандарынын көбөйүшүн түшүнүү менен кабыл алууга чакырды

Өлкө башчысы Садыр Жапаров Бишкекте "Алтай" шаарчасынын курулушуна старт бергенден кийин эл менен жолугушуу өткөрдү.

Анда преиздент кытай жарандары өлкөгө чоң долбоорлордун курулушу үчүн келип жатышканын айтып, элди түшүнүү менен кабыл алууга чакырды.

"Кокуй эле кокуй, кытайлар басып кетти" дешет. Алар "басып алайын" деп келишкен жок. Заводдорду, жолдорду, темир жолдорду куруп жатышат. Бизге ал нерселер керек да. Өмүр бою үңкүрдө жашагандай жашай берелиби? Темир жол бүткөндөн кийин дүйнөгө чыгабыз. Биз анан дүйнөлүк экономикага таасир эте баштасак болот. Туура түшүнөлү. Ошону жаштарга айткыла!" - деди Жапаров.