Актёр Брюс Уиллистин мээси ал каза болгондон кийин изилдөөчүлөргө берилет 

Брюс Уиллис каза болгондон кийин анын үй-бүлөсү актёрдун мээсин илимий изилдөөлөрдү жүргүзүү үчүн колдонууга берет. Буга Уиллистин мээси боюнча изилдөө эффективдүү дарылоону иштеп чыгууга жардам бере турганы себеп болгон.

Компьютердик визуализация ыкмалары ар дайым илимпоздорго мээнин толук сүрөтүн бере бербейт, ошондуктан изилдөөчүлөргө бейтаптын өлгөндөн кийин мээ ткандарын изилдөө зарыл. Бул аркылуу патологикалык процесстер кантип өтүп жатканын, белоктогу аномалияларды аныктоону жана генетикалык мутацияларды изилдөөнү билүүгө мүмкүнчүлүк болот.

"Бул символ эмес, илим. Бул бир күнү башка үй-бүлөлөргө жардам бере алат", — деди Брюс Уиллистин жубайы Эмма Хеминг-Уиллис.

Эске салсак, 2022-жылдын мартында атактуу Голливуд актёру Брюс Уиллиске афазия диагнозу коюлган. Бул нейрологиялык бузулуу, анда сүйлөө жөндөмү бузулат. Учурда белгилүү актёр атайын жабдылган үйдө жашайт, ал жерде күнү-түнү медициналык кызмат көрсөтүлөт.