Сүлүктүдө маданий борбор комплекси ачылды 

Сүлүктү шаардык маданият бөлүмүндө жаштарды маданий жактан өнүктүрүү, тийиштүү шарттарды түзүү жана колдоо максатында 66 миллион сомдук “Маданий борбор комплекси” долбоору ишке ашты. Бул тууралуу облустук өкүлчүлүктөн билдиришти.

Мекеменин ачылуу аземине облус Айбек Шаменов, маданият,маалымат жана жаштар саясаты министринин орун басары Марат Тагаев, Сүлүктү шаарыны мэри баш болгон жергиликтүү жетекчилер катышты.

Айбек Шаменов, шаар тургундарын бул саамалык менен куттуктап, бул борбор келечек муун болгон жаштардын жөндөмүн, талантын өнүктүрүүгө зор өбөлгө болуусуна ишеничин билдирди.

Маданий борборго өлкөнүн Билим берүүсүнүн мыктысы, кыргыз маданиятына эмгек сиңирген кызматкери Увадат Сабурованын ысымы ыйгарылды. Курулушка 2023-жылы Баткен облусун өнүктүрүүгө багытталып, республикалык бюджеттен бөлүнгөн 500 миллион сомдун эсебинен 50 миллион сом каражат бөлүнгөн. Ал эми жергиликтүү бюджеттен 12 миллион сом каржыланган.

Учурда жаңы имаратка шаардык тарых музей, борборлоштурулган китепкана тармагы, балдар китепканасы жана шаардык балдар искусство мектептери комплекстүү жайгаштырылды.

Маданият министрлиги тарабынан оргтехника, элдик аспаптар, эмеректер алынып берилди. Ал эми жергиликтүү бюджеттен улуттук кийимдер алынды.