Австрияда электр мамыларын жаныбарлардын формасында жасоо сунушталды

Австрияда электр берүү линияларынын кадимки металл мамыларын өнөр чыгармага айлантуу боюнча жаңы долбоор сунушталды. Бул тууралуу чет элдик басылмалар жазышты.

Маалым болгондой, "Austrian Power Giants" аттуу демилге Austrian Power Grid компаниясы тарабынан GP designpartners жана Baucon менен биргеликте иштелип, ар бир федералдык аймакты аймакты символдоштурган жаныбар формасындагы уникалдуу мамыга ээ кылууну көздөйт.

Азырынча эки аймактын үлгүлөрү даярдалды. Бургенланд үчүн жыл сайын учуп келчү ак куу тандалса, Төмөнкү Австрия үчүн анын символу болгон токоюндагы кеңири жайылган бугу тандалды. Миниатюралык моделдер Сингапурдагы Red Dot музейинде көргөзмөдө турат жана 2026-жылдын октябрына чейин коомчулукка көрсөтүлөт.

Долбоордун качан ишке ашары так айтыла элек. Бирок Austrian Power Grid компаниясы конструкциялар статикалык жана электрдик коопсуздук сыноолорунан ийгиликтүү өткөнүн белгилеп, мындай мамылар келечекте чыныгы линияларга орнотулушу мүмкүн экенин билдирүүдө.