Армения Бишкекте өтө турган ЖККУ саммитине катышпайт
Армения Бишкекте өтө турган ЖККУ саммитине катышпайт. Бул тууралуу Орусия президентинин жардамчысы Юрий Ушаков билдиргенин орус басылмалары жазышты.
Ал саммитте эл аралык жана регионалдык коопсуздук маселелерин талкуулоо пландалып жатканын кошумчалады.
"Арменияга келсек, бул тарап катышпайт, бирок алардын өкүлдөрү уюштуруучуларга жолугушууда макулдашылган документтерди кабыл алууга каршы эмес экенин билдиришкен", — деди ал.
Эске салсак, 2024-жылы Армениянын премьер-министри Никол Пашинян баш болгон бийлик өкүлдөрү ЖККУга катышуудан убактылуу баш тартуу чечимдерин кабыл алып, айрым жыйындарга катышкан эмес. Ал эми 2025-жылдын март айында бул уюмду каржылоону токтоткон. Ал эми июнь айында Армения ЖККУ мүчөлөрүнөн Азербайжандын аракеттерине карата билдирүү жасоону талап кылып, болбосо уюмдан чыгуу чечимин кабыл аларын эскерткен.
0

Супер-Инфо
super.kg видео

















