Ош шаарында жаңы эс алуу багы пайдаланууга берилди (фото)

Бүгүн, 25-ноябрда Ош шаарынын Курманжан датка көчөсүндө жаңы “Сайран” эс алуу багы ачылды. Бул тууралуу фофш шаарынын мэриясынан билдиришти.

Сквердин ачылышына мэр Жеңишбек Токторбаев, төрага Болот Баетов жана шаар тургундары катышты.

Эс алуу жайында жайкы сахна, отургучтар, беседкалар, балдар ойноочу аянтча бар. Ошондой эле тротуар курулуп, жашылдандыруу, түнкү жарыктандыруу системалары, декоративдүү арка орнотулду. Аймакта милиция пункту жана ажаткана да каралган.

Мэриядан билдиришкендей, бул аймакта мурда кафе-ресторан, соода жайлары, гүл дүкөндөрү жайгашкан болчу. Токторбаевдин демилгеси менен бул аймактагы тоскоолдук жараткан курулуштар алынып, суунун жээги ачылган.