БШК шайлоого дагы 18 эл аралык байкоочуну аккредитациялады

Борбордук шайлоо комиссиясы 25-ноябрда Жогорку Кеңештин депутаттарын мөөнөтүнөн мурда шайлоого 18 эл аралык байкоочуну аккредитациялады.

БШКнын токтому менен эл аралык байкоочулар катары төмөнкү уюмдардын өкүлдөрү аккредитацияланды:

• Индиянын Шайлоолор боюнча комиссиясынын;
• Азербайжандын Кыргызстандагы элчилигинин;
• Индонезиянын Ташкент шаарындагы элчилигинин;
• Түркиянын Кыргызстандагы элчилигинин;
• Өзбекстандын Кыргызстандагы элчилигинин;
• Венгриянын Кыргызстандагы элчилигинин өкүлдөрү.

Бүгүнкү күнгө карата Жогорку Кеңештин депутаттарын мөөнөтүнөн мурда шайлоого жалпысынан 788 эл аралык байкоочу аккредитацияланды. Ал эми кезексиз парламенттик шайлоо 30-ноябрда өтөт.